Les mots surlignés font l'objet d'une note
1Reçue à Valence, le 10 juin 1573. Monsieur de Gordes, je vous ay cy devant escrit en la faveur de la dame de Sainct
2Vallier, tante du sieur de Bellegarde, pour estre conservée et gardée avecques toute
3seureté en ses personne, famille et biens ainsi quil est porté par ma sauvegarde
4que je luy ay faict expedier ; et pource que cela depend de votre autorité, jay
5bien voulu vous faire ceste recharge, suivant la suplication que men a faicte
6ledit sieur de Bellegarde, et vous prier de luy tenir la main en tout ce qui luy
7touchera et apartiendra ne souffrant quelle soit molestée ne travaillée pour cause
8de lesmotion naguières advenue en Daulphiné ne autrement en quelque sorte
9ou manière que ce soit ; et vous me ferez en ce faisant saingulier et agreable
10plaisir pour lamitié que je porte audit sieur de Bellegarde, qui de sa part
11vous en demourera obligé, priant Dieu, monsieur de Gordes, vous avoir en sa
12saincte et digne garde. Escrit au camp de Nyeul près La Rochelle,
13ce IIe jour de may 1573.
14Vostre bon amy
15Henry